2009年7月22日 星期三

減價之迷思

這兩天都受到購物團隊的魔鬼引誘紛紛傳我減價快訊,還有戰利品實照(真照顧週到)更有有些是半價「順」貨,好像吾買就執輸...想來想去我都好像沒什麼想要啊!還是我思覺失調荷爾蒙錯亂做野做到傻???...減價喎!!!沒錯!對於減價我真是沒以往般熱衷,為何?事情是這樣的,那天與朋友晚飯後,突然心血來潮就獨闖險地(我喜愛的鞋店)















上圖:是本季新款,我一慣喜歡的款式,下圖:上年購入結局還未穿過呢!好明顯我是太多鞋,而且款式都近似,而這兩對分別祇在於鞋跟上的搭帶還有皮料不同.還雖要多一對阻礙地方嗎?



這對是我在季初訂下,那個大扣好特別好漂亮呢!而且高度適中,兩種色也易配襯,不知怎樣挑選就要了兩對.
*****************
結果我這季就祇買了兩對鞋,而且著用律極高.再加上家裡的,就夠著有餘喇!行街買野對女人來說或許是種社交友誼,一伙人飯敍就會開心,情緒自然高漲,就會蒙閉理性...賣多了或買錯了都在這"高危時刻".小心啊!

20 則留言:

the8 提到...

對呀! 濕平有時真係兩條鎖匙噹噹響!

Denzel Leung 提到...

唔緊要啦,都買左咯...而且都好靚呀^^!

肥貓 提到...

第一對我都好鍾意, 仲有無貨 ??

聶秀康 提到...

8妹
女忍人多就起哄...都係獨行突擊清醒些.

Denzel
對啊!最重要靚...

貓貓
減價淨反細碼22.5
現在巳出秋冬款
得閒睇下
http://www.raboki.co.jp/
靴好靚.

肥貓 提到...

三耳,

慳番, 嘻嘻!!!
謝謝你的資料.

>> 女人多就起哄...都係獨行突擊清醒些.

我就多數係獨行會出事, 反而同妹妹去買, 佢會識得stop我, 我真係好無用..... 嗚嗚

聶秀康 提到...

別客氣...

你係獨行出事派,比sales姐姐說服?
我係人多被影響,人買我又買...

總之女人一行街就出事!!!

staphany 提到...

第二張相的地板跟我家的一樣。原來香港也有這種地板。

我下周約了一班女子去逛birkenstock的outlet,一定出事!

聶秀康 提到...

staphany
那是地氈啊!米色粗粒.
首打開鞋欄看看自己有幾對鞋,或者會清醒些,不過【一班女仔】出事子數xN次方.
祝各下好運!

staphany 提到...

你看一下哦:
http://staphanyplays.spaces.live.com/blog/cns!54F70759F458FAB2!1307.entry
跟我家的地板,那種號稱很健康的麻質物料(但超討厭,不能洗,只是房子是租的,要不是馬上換掉)很相似哦。

我下周要是能「一對起,兩對止」就已經係萬幸了。

聶秀康 提到...

真係一樣啊!但遇到污漬都是用清潔制清洗啊!感覺是有點粗糙但又慣了,以前用淺米軟棉棉地氈很易留下傢私印.

既然有計劃就限定2對吧!

自由行 提到...
作者已經移除這則留言。
自由行 提到...

有時買野做獨行俠會拿不定主意, 最終會叫埋姊妹出去"幫眼", 幫幫下連佢都會買埋. 咁..我算唔算魔鬼???hehe~~

dd2 提到...

買野是人類常用的減壓方法之一, 我認為無分男女, 不過女士買的東西主要是穿戴在身上, 一個名牌手袋人人看得見;男士則買車買音響器材, 一條電線五六位數字, 或者upgrade電腦/手機, 限量版/絕版玩具, 一樣花錢, 只不過不會穿戴在身上, 大家看不見, 以為佢駛費少而已.

我對衫褲鞋袋化妝品的興趣不大, 不過一樣鍾意買野, 例如書/cd/dvd, 特別是印刷精美的coffee-table books. 現在買少了大開本的書, 主要是因為不想添置太多東西在租來的單位中, 希望盡量減輕他日搬屋的負擔.

最後一張圖中的鞋, 真的好靚啊! 高度也適中. 我長得比較高, 一直沒有穿高跟鞋, 一穿腳就痛. 這種高度剛剛好!

聶秀康 提到...

自由
呀都吾算魔鬼...總之一班人買野吾係妳影響我就我影響妳,butterfly effect呀!

dd2
所以覺得HK是消費城市,前男友買左個乜鬼鐵人28話係古董玩具,幾千文...呢D都係小問題,佢一行影音傢私店就出事,係大件事果隻,至於我的最大開支吾買珠寶手錶應吾會洗好多,名牌手袋都會買,但講真現在市面上吾覺得有邊個牌子值得好捧場,今年祇買個Prada咁大把...哈哈哈.算慳家.

dd2 提到...

揾錢咁辛苦, 買自己鍾意的東西來慰勞自己, 有何不可?只要不是病態或失控就OK了.
Prada/Gucci手袋係幾靚的, 不過出款太密, 好快就out.
以前看中Dunhill的男裝waffle手錶, 不過當年沒有買, 在手錶與乾濕褸之間, 我選了後者.
有一排玩香水, 又買了一堆男用香水. 我根本不搽的, 只是鍾意個款或個味道. 到今天為止都是最鍾意Gucci Envy for Men, 其次就是Dunhill.
Thomas Sabo的charms我不戴的, 不過一時高興買了三個手機吊飾(機械人,火箭,頭盔). 火箭已經送比姐姐. 你話!

聶秀康 提到...

敗家dd2+3耳

香水我獨愛polo綠色瓶那種...男用的.
錶...維修保養好貴亦煩...賣了大部份.

家下就像個傍觀者...看別人如何花...$$$

dd2 提到...

我要面臨減薪, 所以都要理智啲...

聶秀康 提到...

我好像都懨倦那種豪買生活,要轉轉生活形式.平淡是福...

dd2 提到...

前日去L記買洗頭水, 姐姐仔說有新的系列(citric之類), 按照我的習性, 通常都會有你冇你捧一樽半樽shower gel/body lotion之類回家. 不過我呢次冇噃! 好成功地, 只係買了需要添置的洗頭水!

聶秀康 提到...

L記???Lane Crawford?
証明妳順利過渡物慾過量期,以前都是一樣總之買左先算...話之佢...現在要成熟些買需要的就夠!