2008年12月10日 星期三

好心分手

廿年情,真是很長的日子,倪生與周小姐或者應該來個了結吧!愛情是最沒理性邏輯可依從,來去無(足宗),愛祇可能發生在最初的一兩年甚至更短的時間吧!之後留下來的應該是習慣與親人般的感覺,所以感情穩定便要轉化成另一個階段就像打電玩,這個板面巳打敗過了所有怪獸便要跳到另一個板面繼續前進,結婚或更進階至生兒育女都是最正常又悶壞人的結局,這兩年倪生沒甚生產整天遊手好閑浦波樓,就算不用為生計擔懮,但對於壯年又所謂才子的他難免有軟飯之疑自我型象低落更淪為周小姐男友之稱號,女人得閑亂諗野男人空閑愛攪野.而且倪生出軌也非新手一族,眾浦友擸人階知蘭桂坊有狗仔隊24小時stand by.倪生這義無反顧的吻下去相信巳作了最後的心理準備,一段二十年的感情相對於不是夫婦也沒兒女間的維持,要往終身伴侶進發是高難度的呢!而且大家都還年青亦有著亮麗的儀容,有價有市得很,各自一方出軌也不用太過驚訝!而且相對於年齡歲月女方難免蝕底,男的正是精壯桃花大盛之始而女方似有落雨收柴,安於過埋下半生之感,男的悶壞了女的註定了...沒話可說.當然分手是須要勇氣的尤其面對看來是零遐疵的玉女,倪生難免四面受敵,但勇敢的站出來別再拖拉,紏纏,道歉...我支持你...好心分手...對雙方都好別為了那廿年感情的包袱,把它埋葬輕鬆上路去...柳暗花明又有新風景.

19 則留言:

梁巔巔 提到...

最頂唔順係佢自封才子 (曾喺某專攔嘅筆名叫自己做辣筆才子). 如果佢 oD咁嘅料都叫才子, 咁佢老豆直頭係狄更斯, 莎士比亞 la~

謝玉女..... 唉, 都唔係好人咖喇! 當年偽震咁郁劉錫明, 又唔見佢勸條友唔好咁對人!

聶秀康 提到...

巔巔呀,兩個都半斤八兩吾係點對咁多年!
有才子便是有佳人,不過吾係你同我,家下連請人代筆寫日記都叫才女...才???...算把啦!

梁巔巔 提到...

"才女"

妳講開呢樣, 好似嗰個咩 Q 話... 咩袁彌明.... 嘢嘢扮晒有 Point 兼才女格, 真係..... 頂唔蒲~

梁巔巔 提到...

A~ 咪住..... 妳有袁彌明佢條 Link.... okay, 當我冇講過~

聶秀康 提到...

巔巔呀,有佢條link吾代表buy佢ge...right!
係呀袁小姐好勞力去表現自己與其它港姐(尤其葉脆脆)有幾吾同有幾關心民生事務幾有智慧,but I think she's over acting la,有些走火入魔...我係當一個電視show或東方sunday咁睇乍,有時會睇下佢介紹D又貴又吾實用的家品都好好笑!佢係幾靚女英文又會寫同講真係好多男粉絲架...

Betty 提到...

对袁小姐overall的印象不错.

讲返呢度, 我觉得倪生唔想分手哦. 佢都系一时玩大左.

至于周小姐点处理, 嗰主动权家下系佢度, 可以慢慢想, 不用急.

聶秀康 提到...

bottle 仔,都有咁可能,吾分手都牽涉某些利益吧!妳得閒去下陳大文blog睇下另一位主角,真係飲得杯落架!大眼妹卜卜脆...
袁小姐?!算啦,都係市場須求ge...!

Betty 提到...

我有看陈大文嗰BLOG. 靓女系好多, 尤其是娱乐圈, 但我相信男人玩嗰D同真感情嗰D, 系唔同0既.

聶秀康 提到...

bottle仔,當然男人係可以情慾分家的,問題係如何走下去?而家倪生仲咁後生,幾時忍到老,愛情吾可以當飯食而且大家都係公眾人物,就算周想做單眼女,D記者都吾會放過佢地,一吾係生反個(其實都冇乜用)疊埋心水湊仔,但看來應該生吾出...唉!都係分手好D...吾係第一次啦,何必自欺欺人呢!

Betty 提到...

去D 回教国家, 一个男人可以娶几个老婆, 甘米无事咯.哈哈哈!!!

一夫一妻制系天主教国家先有, 呢样野未必适合佢地......

匿名 提到...

bottle,就算娶十個老婆都係會有外遇...問題吾係個制度,係個人的問題啊!

Xavier 提到...

呀偽生出黎搵食都算系幾"明目張膽",其實我都撞過佢幾次,有次系山頂食飯,系cafe deco d露台位就見過佢1 + 2位model feel的女伴。我諗搵要返佢d舊料真系多多都有...

聶秀康 提到...

匿名,認同呀!係人的問題.

Xavier 藍魚,我偶爾都會去下波樓都碰過幾次佢同D女仔打波又吾見玉女係身邊,看來男的巳習以為常,佢偷腥吾係新鮮事,我想玉女係知到的,祇係今次比人影到...

bobo 提到...

呵呵,第一次来,摆低两句。

同意梁颠颠君说的,能容忍/容许男朋友恶毒的伤害情敌的女人,自己的修养都很有问题。我认识刘锡明的,读书时候联校活动接触过几次,不算是坏人,只是有时候有一点点扮嘢,但不至于给倪先生那么臭骂,对吗?(BTW,这次记者问刘锡明意见,他一句“我已经是有家室的人了”,真的很有风度兼晒命,呵呵!)

去FACEBOOK看看倪震的朋友啊,都是COOKIES那样的女孩或者MODEL,他好像没男性朋友的,哈哈哈!

聶秀康 提到...

wellcome Bo BO,
都係果句物以類聚,周小姐內外未必一至,劉生咁答,都係正常的,此處不留人,自有留人處,別執著於錯流失於對(係我呀爸時常說的),到處都有好風光,人生苦短應好好把握,看看劉生...不是輕周巳過,物轉星移嗎?

小連 提到...

有樣題外話,就係你愛寫野唔分段定係呢個blog既特色係咁呢?

聶秀康 提到...

小連,
你意思係我寫野密質質?定係冇把文章分類?
前者係我吾多識用標點符號,因我D中文大部份自修回來的所以好多口語化,想到就寫.我會注意改善,謝謝賜教!
後者,我是網誌新手最初想用日記形式去把事記下亦不太清楚原來可以設立類別...我有空會分類一下.

小連 提到...

絕對不是批評呀﹗只係想問下呢隻blog係咪咁吧﹗唔多認識所以了解下﹗

聶秀康 提到...

小連兄,
我沒覺得你批評我呢!反而歡迎你常常來參觀下比些意見我,你的blog係我第一次係網路世界裡留言的...雖然沒有見過面但也當了你是朋友啦!老爸時常訓勉我:君子聞過則喜,有則改之無則加勉!
對我好有啟示!

另類思想

人間訪客

since 26/01/09

我喜歡熱鬧...歡迎您們!

Powered By Blogger

LinkWithin

Blog Widget by LinkWithin