2009年1月28日 星期三

懶散初二--非誠勿擾


無所事事到初二.早上到廟宇祈福,再會合朋友廣東茶大家談論著這個春假有幾懶散有多無聊,但又覺前所未有的舒暢,到底平常太趕了,人出世生命倒數時計就開始啟動,無論你是誰祇要有生命都逃不過死亡的命運,那到底忙什麼趕什麼呢!
++++++++++
專程到油麻地百老匯看'非誠勿擾',為的是馮小剛葛優,還是馮拿手的小品話題今次外景加上北海道算是添上點潮味,內容講徵婚,女角舒淇對巳婚男友那種執迷真是教人惋惜,想信現實中應真有糾纏於婚姻中的第三者,究由自取或惹人同情都不能解救當事人於一時,遇上這婚外情感狀況,惟一錦囊方法是:走為上著,多留一刻多十分險!作為第三者犯不著為別人沉悶垂死的婚姻裝飾沖喜,身為巳婚人,可以揀錯對象結錯婚,推倒重來不是罪,世上有一機制叫離婚!別憾所愛與自身於不義。
++++++++++
之後徒步到佐敦吃火鍋,三個人吃了四碟牛肉二份西洋菜金菇水餃簡單四款配料,像西洋菜滾牛肉湯,但又真的好好味,爆肚之濟友人提議甜品殿後於是再吃了許留山才甘心回家!又再與沙化相擁...真幸福也!

19 則留言:

卡臣 提到...

NO. 1

紛爭裁定器!

聶秀康 提到...

多謝卡臣捧場。新年開工都係拍烏蠅...

阿強 提到...

咩拍烏蠅?
大把人睇緊
不過未留言啫

聶秀康 提到...

hi,新年快樂呀,強哥...講下笑者...謝謝你!

素顏天使™ 提到...

哇!!!! 聶, 我今日下晝都去了電影中心睇 "非誠勿擾", 你睇幾點? 我 5:20pm 場呀.

聶秀康 提到...

吾係咁岩呀!都係5:20喎!我地2男1女呀!還在麥當當吃雪糕,我穿了淺綠色羽絨長褸啊!

海火火女 提到...

非誠勿擾好好睇~!

哈哈佐敦打邊爐...係唔係稻x? 我都係果邊喎今晚!

3耳 提到...

嘩!世界真細少...係不倒翁火鍋呀!
我鐘意手機多些,但呢套都係近期最想看的了!

素顏天使™ 提到...

哇!!!!! 我和一個男仔去睇, 我著軍綠色有毛帽長褸, 響 kubrick 食 tea 食到 5:10pm 先行入戲院, 之後仲響 7-11 門口煲了 2 飛煙添喎!!!!!

素顏天使™ 提到...

(wei 我坐 E3 + E4, 面向 screen 的右手後排呀)

聶秀康 提到...

素素我地係kubrick打了一圈才去麥記...差不多開場至入座,座位大約是右邊中間啊!散場還到些粉買煙仔...之後到佐敦不倒翁火鍋tim...可惜呢緣慳一面!見到會認得出嗎?好奇妙,刷身而過。

素顏天使™ 提到...

哈哈, 但我又無見過你呢, 當然不認得~ :p

c 提到...

新年快樂啊3耳

laulong 提到...

真 happy!

尋晚食開年飯,也爆肚!

呵呵,唔肥就難咯!

聶秀康 提到...

c妹妹
謝謝妳啊!有心吾怕遲.也祝妳笑口常開樂觀看世界!

laulong
過了年...3耳變3豬!

自由行 提到...

3耳:

緣份就係咁奇妙!!
嘩... 一聽就知....行程豐富呀! 同埋我都like 晚飯後食個甜品, 咁先叫完美既一餐! (唔肥就假呀, 仲話...減肥~嘿嘿)

聶秀康 提到...

甜品---又愛又恨!

小連 提到...

你都好擦得喎﹗食到咁多碟肥牛,不過而家我都係,出街如見到好吃的肥牛就只吃牛,其他咩都唔食,一來其實不會太貴,二來其他食物確不及肥牛即灼的美味﹗

搞乜鬼而家留言又要psw又要入字詞驗證,有用的嗎?

聶秀康 提到...

我食幾件牛最多係西洋菜,覺得個湯好清送碗白飯就一流!
吾係呀...攪錯了.我這裡全是相熟留言不用什麼驗證...其實都吾知有乜架!