2009年11月24日 星期二

沮喪的晚飯

午間接到母親大人來電提示今晚煮了我米!即是別再「放飛機」.....這是上星期的預約!對!我好大排回家吃飯是要預約的!還勞煩母親大人提示,真不孝.....

為我烹調一桌美食,西洋菜陳腎湯、豉汁涼瓜牛肉、蟹粉豆苖、生炒臘味糯米飯、百合蓮子紅豆沙(心機花了一擔),....呷一口熱湯,還是那種味道,那種西洋菜獨有的香氣,熱騰騰的....撫慰我疲憊的心.

今天又再遇到錯折,相信世上老闆階一般,永遠對部下表現不滿,抽秤錯失,盡管巳出了萬二分力,我不再有期昐也很無奈、氣餒、再沒氣力為自己辯護些什麼,回家的一刻祇想到九月七日轉部門的我,快三個月了,到這刻我還時刻想著走人!對我來說這真是很大鑊的心態!

*臨走媽媽又我讓帶大袋食物回家,其實相距祇兩個街口!該是我的錯吧....

12 則留言:

AM 提到...

做事點會有完美 , 諸葛亮都時常戰敗 , 所以不要太介懷得失。妳放心 , 亦不須经常提醒自己時刻走人 , 上天要妳走妳想留多一分鍾都唔得 , 所以妳要俾心機捱吓啦。

聶秀康 提到...

大哥啊!救命呀!如果老闆明白世事沒完美就不會如此待我,我明白要捱要比心機,無奈我係係凡人一個,也想自己硬淨些,可怕的是被打殘就會想到走人算了,我原本幹得好好的嘛!搞定師太以為會有些少好日子過下.....

the8 提到...

住家耳:

我們便在知而不行中糟蹋雙親的愛了!

快餐8

wiwiana 提到...

哎呀,我都好明白呀。老闆多數都係完美主義者,因為唔晒自己落手落腳做,講到天花龍鳳就易啦。

不過加油啦,總之唔好挨殘自己,要多d返屋企飲阿媽靚湯呀!!

聶秀康 提到...

溫馨8....
我都知做呀媽艱難,但我真係好吾得閒呀!就算放假都想清靜下......
衰女耳耳

維維安
好耐冇拜訪妳啦!不如執包伏反英國....
天花龍鳳吾緊要但一時一樣就死得人總之乜都佢講晒囉!
謝謝妳....會多的反歸做女王!

undercover 提到...

聶小姐
也許妳太認真了,雖說工作但對著如此不體諒的老細難免沮喪,就算如何做得好也沒好下場,就不如放開心情隨己所慾吧!反正妳都抱"吾撈"心態何必在意老闆的隨口噏呢....
別浪費伯母的愛心美食!
望妳釋懷.

ps,榮華雞批真超好味,樂道真的很多美食小店.

篤篤篤撐 提到...

我個大老闆又係O甘,
唔同你, 我地果行比較好彩仲會有D 團結力量堅持自己的專業尊嚴
我地會謀反, HAHAHAHHA

KennyT 提到...

不如自己開餐廳﹐最多我幫襯你啦﹐哈哈。

Ebenezer 提到...

最令人窩心的地方,始終係屋企。

匿名 提到...

羨慕呀!無論幾難捱都有碗靚湯等你!bonbon

AM 提到...

同自己講 ”無理由師太做到的事我會做不到? 我只是要調整少少手法就可以。 走我一定會走 , 但一定是做到高峰時 , 以勝利者而非失敗者的姿態離開 , 等大家都懷念我!”

巴黎旅客 Voyageuse de Paris 提到...

母親的湯水是世上最美味吧!