2009年8月14日 星期五

久違了的電視撈飯


今天七時多還在公司,娛樂組來接我下班,特別來天使草苺蛋糕(好像挺流行的口味),我嚐了一整塊非常滿足,他拿出兩張免費戲票,原來是laughing哥的新電影,
我抱歉地說:不想在電影院看電視.他也附和著...其實應承媽媽回家吃飯,家裡有涼瓜牛肉,這是特別為我預備的呢!我們勞力地扒著飯粒邊看電視邊聊著,這種住家飯情景...真的久違了!.
「絕代商嬌」難得令我們都列咀大笑,或者許久沒看子華演出,「他」總是有張令人發笑的傻臉,到消防員時間媽就刻意轉台...多細心,之後看了「櫻紅醉了」怎麼把日本拍得那麼死氣沉沉,周麗淇的傍白使我昏昏欲睡,齊體感覺像紀念仙人特輯,一點也不好看....或者我是太累了,那時我喜愛的日本啊!
走時媽又給我食物一揪,真抱歉呢都沒多陪伴她...最後應承了週末與媽飲茶,她就笑笑的點頭示好.那就週末飲茶吧!

22 則留言:

AM 提到...

除了新聞己很小睇劇集 .......

卡臣 提到...

「櫻紅醉了」<----同意呀!
好少人可以拍到日本咁悶!
佩服!

新鮮人 提到...

我反而覺得這樣的日本幾好喎,
個人口味不同吧!

篤篤篤撐 提到...

我乜都冇睇過ar, 應該同現實世界脫左截了。

呢兩日, 發現tvb同atv報都唔報四川公安搜記者房單野 (還是報了我不知道?), 以後連news都可以唔睇, 只睇now...

肥貓 提到...

我都是只看news report.

篤篤,
四川單野atv有報, 仲訪問個now記者, tvb就唔知.

自由行 提到...

櫻紅醉了, 我只睇景, 至於周小姐...雖然佢把口成日話要搵幸福, 但係死氣沉沉, 幸福都調頭走呀!

鄧善之 提到...

我也好長時間沒追劇集了. 這幾天也有趕回家看「絕代商嬌」!

dd2 提到...

旅遊節目我只會看Lonely Planet或一點Samantha Brown(她大多數時候都太"闊太"). Janet Hsieh氣質好但是台灣基本上從來不給我fun感覺. 一男一女主持的旅遊節目也很好看.
其實都有興趣看Stephen Fry的美國遊,不過通常那個時間都未放工...(也懶得再set多一個VHS timer)

聶秀康 提到...

AM大哥
是大忙人吧!

聶秀康 提到...

卡臣
我才首次看呢!以為自己眼瞓又懨尖...原來你也同感...give me 5!

新鮮
畫面沒太大問題祇是一聽到周小姐的傍白我就開始....zzz....!

篤篤
>>四川公安搜記者房單野
now,亞視,cable都有報,cable都重得幾詳細,國內住酒都沒安全感,公安沒証件沒搜查令都可入房搜查真係「巧京京」呀!
你停寫一星期...等你出文啊!

聶秀康 提到...

貓貓
還有港台節目都有水準!當然知妳喜歡看劇集.


自由
妳是旅遊專家,連妳都說悶就真的大問題,要知到日本是港人至愛的旅遊點,無得去睇下都開心,家下悶成咁.....!


善之
對呀!難得黃子華演劇,要捧場!

聶秀康 提到...

dd2
lonely planet當然經典,記得bbc有套講個四眼鬆毛哥哥經營農場餐廳的特輯是我至愛啊!他真是落手落腳耕田養豬做農夫啊!好世外出塵,自己沒可能做到睇下都開心.
其實好欣賞日本的旅遊特輯夠詳細,資料搜集好,看過那日本拉麵探險隊雖然集集講食麵但睇埋風景人情風土真係好像跟著主持去旅行!
有一輯講意大利...非常另類各度取景重之非常好看。

laulong 提到...

3妹妹:

簡單而又豐富的生活,細 lei(寫唔到個字)道來,如在目前!

聶秀康 提到...

laulong
感覺簡單就是最實在的生活...平凡是福亦惜福!

荒木茂 提到...

因為與媽媽撐枱腳、因為有涼瓜炒牛肉,所以電視送飯也很好味...
我冇睇黃子華,但咁啱睇到周小姐個節目,你講得啱,明明係自己鍾意的日本,點解悶成咁?完王冇靈魂...

樓上"自由行"中晒啦,阿周小姐的幸福掉唔調頭走仲未知,但鄭嘉穎早就調頭走!XD

自由行 提到...

3耳:

我唔係旅遊專家, 我係赤貧旅遊人!!
講見識, 當然唔夠你豐富!

聶秀康 提到...

荒木

鄭嘉穎+周小姐可能會悶死大家也許蛇小姐精靈D.

自由
都吾係咁講後生女體力夠,呢種旅遊都係一種眼界.

dd2 提到...

>四眼鬆毛哥哥

哈哈, 你的形容詞好抵死! 是Hugh Fearnley-Whittingstall的River Cottage吧! 我當年也有看啦, 不過知道有這個節目時, 都已經播了一陣子, 所以有些episodes錯過了.
http://www.rivercottage.net/

看Discovery Channel的Dirty Jobs with Peter Schmeichel吧, 比周小姐那唔湯唔水的旅遊節目強多了!

聶秀康 提到...

dd2
我都覺得妳有睇,那時還用錄影機錄起來一次過看,有一集講鬆毛哥哥與農友互相幫助殺野兔然後將兔肉做bunny burger係sunday market賣...真係好深印象.真係外國至有呢類片種.

周那個爛鬼日本遊....吾會睇架啦!廢事眼攰!

聶秀康 提到...

>>Dirty Jobs with Peter Schmeichel


He's look really dirty wor~

篤篤篤撐 提到...

四川單野atv有報, 仲訪問個now記者
>>>好明顯, 我真係好少睇電視, 就算睇都只係望一望 !!!

聶秀康 提到...

篤篤
獨居人回家首先都係照列開電視,至於睇吾睇就真係另一回事啦!似收音機多些...