2009年9月4日 星期五

宅宅家族msn之酒池肉林

注意:本篇內容非常無聊,嚴肅者勿讀!
又含粗俗用語,18歲以下讀者(會有咩!)懇請家長伴讀!

-----宅兔-----


-----宅羊-----


以下是我的MSN鐵腳~
偶爾燥狂爛口的宅兔
長腿渴望症偶發色情狂的宅羊
善良多謀的娛樂組長宅魚
潮流資訊買野精柏蒂
極個人主意的潮媽宅宅怪

以上被稱為宅宅家族
*****************************
也不是每天都會對話,祇是看到友人上線,就知到對方尚在人間啫!
以下節錄一段無聊對話~

宅兔:哇))))))))乜咁早?起身嗱!大少(2:30pm)
宅羊:嗯…擒晚醉到仆街,都冇乜頭痛,D酒應該幾靚!你知大陸乜7都假!
宅兔:咁飲法,顧住肺癌!
宅羊:係肝癌呀!蠢兔!食左發毛蘿蔔?
宅兔:今晚又出去?
宅羊:嗯…去飲酒……都係飲飲食食吹下水果隻,又洗三幾千咁囉!
宅兔:哇…酒池肉林,顧住比雷劈
宅兔:係呢,有冇靚女斟酒架?…呢…著高叉旗袍身高180的奧運禮儀小姐!
宅羊:精神病呀妳!有就吾洗醉得咁辛苦…我地係內XX交流,你估依度係夜總會!鳥巢體育館!
宅兔:齋飲?
宅羊:嗯…
宅兔:咁仆街!
宅羊:係囉!咁。仆。街!
宅兔:哈))))))哈))))))哈…
宅羊:?
宅兔:笑7死左
宅羊:佢地亂咁來,將D紅酒當啤酒係咁「隊」,又鐘意溝酒,飲得少又話你吾比面…醉硬…巧京京呀…輪住泥隊我!無人性!
宅兔:D紅酒商就笑晒口,話G你將D紅酒用來沖廁所,有生意就得,顧客永遠是對的,中國紅酒市場有前境呀!
宅羊:唉!懵兔子…又出發啦!88條尾....仙!
宅兔:早D返,等你門(#@%$#%*&($%$@@)<+%$^^&&#@%^)
>>>>>>>完<<<<<<

好無聊啊!
係囉!好無聊…

3 則留言:

自由行 提到...

MSN 本身就係無聊架呀! 不過又幾好笑.

Ebenezer 提到...

將紅酒當啤酒隊,真係好難頂(仲係土炮干紅)!

3ear 提到...

由由
我以為淨係自己至識笑tim.
辦公室真係幾無聊,如果無乜大事件的話...階因我平時太抑壓!
有時見到同事無端端哈聲笑出來我想佢地都可能無聊msn...

Ebenezer
你都要國內工作,應該好明白國內的飲酒風氣,食午飯巳經要開酒架啦!少D功力都吾掂!