2010年5月26日 星期三

我的世杯路線圖



90'意大利,當界世杯官方logo~

90的一界世杯主辦國意大利,那年我在佛羅倫斯,遇上了,但當時年紀少對足球沒什興趣,而正式開始觀看世杯應是94年美國主辦的一界,因著週邊同學友人的喜好所以也湊湊熱鬧,記得決賽巴西vs意大利,整個國家榮辱都住膊上擔,他的壓力焦慮盡寫於臉上,結局射失那球十二碼飲恨當場,從他臉上看到世界末日,那悲傷臉容至今猶在眼前,就因為那球12碼我喜歡了巴治,又因為巴治喜歡意大利國家隊,其實他的防守踢法好讓粉絲們擔心,順帶提下那界德國的奇連士文也很搶眼,但我還是比較喜歡俊男濟濟的意大利,後來因為碧咸又喜歡英格蘭,在對阿根庭被吃一張紅牌,他那沮喪臉孔加任性一踢,至今猶在眼前,其實門將施文也是喜歡英格蘭的原因之一,他被細哨笠死那球,在龍門區頭耷耷的悲哀樣子,至今猶在眼前,當然日韓辦那界英、法兩隊都無運行,近兩界因為施丹太好波與巴夫司太神化而喜歡法國隊,重要他是巴西的宿敵克星,別問我原因,我最討厭巴西隊!去界八強巴西vs法國施丹踢到識飛咁,逢人過人大玩帽子戲法,不太懂腳法的我也看得津津有味,當然那一記施丹頭鎚就把雷米金杯撞散,意大利隊太狡猾...他被逐離場的背影,在我來說應是世上最性感又悲哀的背影,至今猶在眼前!
記得當施丹隨皇馬訪港期間真的走了幾轉港灣一號碰碰運氣...(聽說施球王會獨自吃中國餐)
小總結:
最好波:施丹、最佳門將:雲達沙/保方、最投入的一界:日韓(放了半個月假觀看)、最永恆:當然是巴治啦!

11 則留言:

匿名 提到...

哈哈, 我跟你一樣, 都係由94世盃開始睇波, 又係一睇就迷上巴治奧同意大利隊. 不過今年的意大利真係危囉, 衛冕之路好難行!

篤篤篤撐 提到...

我係德國fans。

好睇既地方係佢地既意志、團隊。冇乜球星, 但強大到嚇死你 , 大賽12碼未輸過, 2002年被譽為史上最屎的德國隊, 一樣照入決賽。

歷史上既德國球員, 最愛係moller + 艾芬堡, 兩個都係少見既有個性既德國球員。moller經典在92年歐國盃12碼射嬴英格蘭, 扮加斯居尼個寸樣; 艾芬堡呢, 就係94年用粗口鬧自己球途中途被遣反回國, 結果當年德國8強止步, 歷來最差。

匿名 提到...

to 篤篤篤撐:

我都勁鍾意andreas moller!!!!! 我從來無聽過香港有人會喜歡佢架!!! 哇~~~~ (感動中!!)

路人甲

黑占 提到...

我由86年0個屆開始睇... 不過正式投入係90年意大利世界盃... 0個時成日買奪標雜誌...

我0既飛佛係阿‧根‧廷!!!!!

the8 提到...

德國粉絲在!

最愛馬圖斯奇連士文禾拉! 當然還有靚仔龍門高拿!

聶秀康 提到...

啊!原來很多德國粉絲!禾拉!記得呀!的頭髮好似禾趕草果位大哥!

今年無乜心水或者會捧英格蘭!最衰碧咸無機會落場!

篤篤篤撐 提到...

德國fans, 一定要睇82年四強對法國, 加時落後兩球, 輸梗之餘竟然可以追兩球再贏埋12碼, 體能、士氣、意志缺一不可!!!

黑占 提到...

識英雄重英雄. 德國隊的紀律及鬥志都好強. 我都好佩服. 馬圖斯布林美禾拉奇連士文,強! 不過禾拉係強中之強,我指佢同列卡特互吐口水!!!!

the8 提到...

篤: 82年果場邊到可以翻睇? 果時我仲好細個 miss 咗啊!

利是餅: 禾拉啲飛劍真係超強啊!

Unknown 提到...

哈,覺得你好像很愛那些失意英雄的,是母性的表現?

聶秀康 提到...

係!我最鐘意落難既人樣。

另類思想

人間訪客

since 26/01/09

我喜歡熱鬧...歡迎您們!

Powered By Blogger

LinkWithin

Blog Widget by LinkWithin