午間接到母親大人來電提示今晚煮了我米！即是別再「放飛機」.....這是上星期的預約！對！我好大排回家吃飯是要預約的！還勞煩母親大人提示，真不孝.....
為我烹調一桌美食，西洋菜陳腎湯、豉汁涼瓜牛肉、蟹粉豆苖、生炒臘味糯米飯、百合蓮子紅豆沙(心機花了一擔)，....呷一口熱湯，還是那種味道，那種西洋菜獨有的香氣，熱騰騰的....撫慰我疲憊的心.
今天又再遇到錯折，相信世上老闆階一般，永遠對部下表現不滿，抽秤錯失，盡管巳出了萬二分力，我不再有期昐也很無奈、氣餒、再沒氣力為自己辯護些什麼，回家的一刻祇想到九月七日轉部門的我，快三個月了，到這刻我還時刻想著走人！對我來說這真是很大鑊的心態！
*臨走媽媽又我讓帶大袋食物回家，其實相距祇兩個街口！該是我的錯吧....
since 26/01/09
12 則留言:
做事點會有完美 , 諸葛亮都時常戰敗 , 所以不要太介懷得失。妳放心 , 亦不須经常提醒自己時刻走人 , 上天要妳走妳想留多一分鍾都唔得 , 所以妳要俾心機捱吓啦。
大哥啊！救命呀！如果老闆明白世事沒完美就不會如此待我，我明白要捱要比心機，無奈我係係凡人一個，也想自己硬淨些，可怕的是被打殘就會想到走人算了，我原本幹得好好的嘛！搞定師太以為會有些少好日子過下.....
住家耳:
我們便在知而不行中糟蹋雙親的愛了!
快餐8
哎呀，我都好明白呀。老闆多數都係完美主義者，因為唔晒自己落手落腳做，講到天花龍鳳就易啦。
不過加油啦，總之唔好挨殘自己，要多d返屋企飲阿媽靚湯呀!!
溫馨8....
我都知做呀媽艱難，但我真係好吾得閒呀！就算放假都想清靜下......
衰女耳耳
維維安
好耐冇拜訪妳啦！不如執包伏反英國....
天花龍鳳吾緊要但一時一樣就死得人總之乜都佢講晒囉！
謝謝妳....會多的反歸做女王！
聶小姐
也許妳太認真了，雖說工作但對著如此不體諒的老細難免沮喪，就算如何做得好也沒好下場，就不如放開心情隨己所慾吧!反正妳都抱"吾撈"心態何必在意老闆的隨口噏呢....
別浪費伯母的愛心美食!
望妳釋懷.
ps,榮華雞批真超好味，樂道真的很多美食小店.
我個大老闆又係O甘,
唔同你, 我地果行比較好彩仲會有D 團結力量堅持自己的專業尊嚴
我地會謀反, HAHAHAHHA
不如自己開餐廳﹐最多我幫襯你啦﹐哈哈。
最令人窩心的地方,始終係屋企。
羨慕呀!無論幾難捱都有碗靚湯等你!bonbon
同自己講 ”無理由師太做到的事我會做不到? 我只是要調整少少手法就可以。 走我一定會走 , 但一定是做到高峰時 , 以勝利者而非失敗者的姿態離開 , 等大家都懷念我!”
母親的湯水是世上最美味吧！
張貼留言