人在中層是一種不堪的狀況,還要是我這種空降部隊,原本自以為職升在望的上不到位,難免對我有點不是味兒,初到貴境的我帶著一個「勇」字,自以為誇過一關又一關,到底於職場文化或純粹老細眼中,幹得好是應該兼應份別奢望他會說聲「well done」,因為我拿的是薪金plus項目花紅,真手作仔斷件計!於工作一切以做到最好還是不夠好的情況下,結局還是被批評:可以有更大的進步空間,面對這評語雄心壯志是有三分鐘給打沉....
將手頭上煩厭的客戶擺平又輪到適應新部門老板,還要倆位傳說中急進利害的高層男女,女的是男上級的助理,當然是他調較出來的右手,一如主子的緊迫急進,很咄咄迫人的態度,今天早上大老板連續召見我三次(那刻心內極度懷疑「他」是暗戀我的呢!好得閒嗎?),還要罵著相同的事,最後一次還大力拍台斥責我自把自為,到底有當他是老細沒有!我那刻有點被他突而其來的叫囂嚇著,即時眼眶泛紅,為免與他眼神接觸而會掉下眼淚,我就把面傾則,狠狠深呼吸一下,內心暗叫:頂住!千萬不要掉下一滴淚!我就是以這金句來自我催眠...不知何時或如何逃離老細的辦公室,午膳與FY共對食不甘味,她當然知我慘被修理,那一種「吾撈」的心態悠然再生,任性的我又是那種想法:我又不是等那份薪金來開飯!
最後智慧再度給我減壓:耳耳身為好友當然知妳吾志在,但其實這種心態根本要不得啊,能當xx的部下是一種福氣,無疑他是全公司共認的嚴厲老板,但每一位曾與他共事過的同事或下屬,都稱贊他說穫益良多,簡直每天塞錢進自己袋中,當然被罵就是必然的了!
*新職位是智慧推薦的,相信熟悉這網誌的友們都清楚,3耳update網誌是多勤力!就知以往的我是多輕鬆的在office 裡hea.....現在真現眼報!
我的體重下跌至108lb,可以有藉口大吃一頓了!
21 則留言:
加油呀
放了工就忘記公事
去購物減減壓囉
體重下跌至108lb!!
好fit呀...可以同你影相留念就好啦^^!
btw...
3耳得閒聽下MP3,人會開心D^^!
Kitty
謝謝啊!前天巳減壓了,我的強行就是劈炮!非常任性…
Denzel
能得梁兄操刀幸甚之至,我高160還是有點削啊!
我沒不快樂,祇是奇怪世上真有這種強迫症的老細!沒忘我也有絕招「吾撈」的任性!
去到100 LB我就同你影相, KAKAKAKAKA
篤兄
多謝盛惠啦!留反呢個配額比篤嫂啦!拍人像我沒什興趣!
我可以送20磅俾你喎!! 反正你瘦得咁快....
p.s. 保重呀!!
由由
我吾貪心要5磅就心足啦!謝謝慷慨.....
加油呀﹗﹗﹗
合理的對待是鍛練 , 不合理的對待是磨練 , 逃避非善法 , 面對是修行 ; 加油吧!
大不了當佢發up風,
加油呀!
嘩! 有什麼秘技可以減到108lb? 快分享吧!
頂住呀,妳得嘅:)
工作耳: 不知怎去安慰你....但我常常都跟自己講 "打份工啫咪咁上心!"...祝 EQ 日高!
各位網友:
感謝關心,今天假期我非常輕鬆因為過去的一週太累人了,我雖時常說要吾撈,其實好喜歡這工作,好矛盾!
鬧人就鬧人啦,駛唔駛拍台先?而家仲有人拍台鬧人,真系幾老套.你老細都幾燥.可能天口興掛...唉,就當系鍛鍊eq啦.
Xavier
我真未見識過拍台的火爆老細......真當堂嚇窒架!幸好沒哭出來,否則就太遜啦!
讀左你既文章好耐喇! 我依家都係做緊十級hea工, 日日悶到爆! 好想轉工, 又的唔起心肝! 見你之前有新改變, 忙左, 但揾到工作滿足, 都好登你開心, 但見原來有滿足係有咁大代價! 都唔知應該返hea工好定返有滿足感既工好....bonbon
加油,頂住,畀老細鬧好小事姐而已!
最緊要越做越好,唔再畀老細抽秤!
...如果係老細面前喊,有d人會認為女人做唔掂就用眼淚攻勢!
bonbon
以往的我都是以hea爆心情上班,這次轉了部門真是好大的挑戰...但滿足感相對提高,至於如何選擇要看閣下之鬥心了!
荒木
我祇驚自己一哭不收就死撐下去!
鬥心真係日漸消磨...我以前都有個老闆, 佢係勁人黎既, 但佢係會發火拍台罵人(甚至對男同事講粗口), 但你習慣左佢個style, 知佢係對事不對人, 會平常心一啲, 初初個衝擊係幾大架, 當交學費囉! 祝 隨心所欲 bonbon
被上司駡當然不好受(我試得多, 還要是當著所有人面前大聲說), 不過, 如果他/她有point而我的確做得不好, 我唯有吞左佢. 我的上司好在係對事不對人, 駡完之後就算, 照樣講笑, 不會記過夜.
當然, 如果係無理取鬧, 志在出氣/立威的, 咁就...咪理佢咁多, 你的存在價值又不是因為他而定(雖然份糧可能係), 最終都係o個句, 但求無愧於心. 人生苦短, 放工就唔好理咁多, 去輕鬆一下!
張貼留言