2009年9月25日 星期五

被修理得體無原膚

人在中層是一種不堪的狀況,還要是我這種空降部隊,原本自以為職升在望的上不到位,難免對我有點不是味兒,初到貴境的我帶著一個「勇」字,自以為誇過一關又一關,到底於職場文化或純粹老細眼中,幹得好是應該兼應份別奢望他會說聲「well done」,因為我拿的是薪金plus項目花紅,真手作仔斷件計!於工作一切以做到最好還是不夠好的情況下,結局還是被批評:可以有更大的進步空間,面對這評語雄心壯志是有三分鐘給打沉....
將手頭上煩厭的客戶擺平又輪到適應新部門老板,還要倆位傳說中急進利害的高層男女,女的是男上級的助理,當然是他調較出來的右手,一如主子的緊迫急進,很咄咄迫人的態度,今天早上大老板連續召見我三次(那刻心內極度懷疑「他」是暗戀我的呢!好得閒嗎?),還要罵著相同的事,最後一次還大力拍台斥責我自把自為,到底有當他是老細沒有!我那刻有點被他突而其來的叫囂嚇著,即時眼眶泛紅,為免與他眼神接觸而會掉下眼淚,我就把面傾則,狠狠深呼吸一下,內心暗叫:頂住!千萬不要掉下一滴淚!我就是以這金句來自我催眠...不知何時或如何逃離老細的辦公室,午膳與FY共對食不甘味,她當然知我慘被修理,那一種「吾撈」的心態悠然再生,任性的我又是那種想法:我又不是等那份薪金來開飯!
最後智慧再度給我減壓:耳耳身為好友當然知妳吾志在,但其實這種心態根本要不得啊,能當xx的部下是一種福氣,無疑他是全公司共認的嚴厲老板,但每一位曾與他共事過的同事或下屬,都稱贊他說穫益良多,簡直每天塞錢進自己袋中,當然被罵就是必然的了!

*新職位是智慧推薦的,相信熟悉這網誌的友們都清楚,3耳update網誌是多勤力!就知以往的我是多輕鬆的在office 裡hea.....現在真現眼報!
我的體重下跌至108lb,可以有藉口大吃一頓了!

21 則留言:

Kitty 提到...

加油呀
放了工就忘記公事
去購物減減壓囉

梁奕 提到...

體重下跌至108lb!!
好fit呀...可以同你影相留念就好啦^^!
btw...
3耳得閒聽下MP3,人會開心D^^!

聶秀康 提到...

Kitty
謝謝啊!前天巳減壓了,我的強行就是劈炮!非常任性…

Denzel
能得梁兄操刀幸甚之至,我高160還是有點削啊!
我沒不快樂,祇是奇怪世上真有這種強迫症的老細!沒忘我也有絕招「吾撈」的任性!

篤篤篤撐 提到...

去到100 LB我就同你影相, KAKAKAKAKA

聶秀康 提到...

篤兄
多謝盛惠啦!留反呢個配額比篤嫂啦!拍人像我沒什興趣!

自由行 提到...

我可以送20磅俾你喎!! 反正你瘦得咁快....
p.s. 保重呀!!

聶秀康 提到...

由由
我吾貪心要5磅就心足啦!謝謝慷慨.....

KennyT 提到...

加油呀﹗﹗﹗

AM 提到...

合理的對待是鍛練 , 不合理的對待是磨練 , 逃避非善法 , 面對是修行 ; 加油吧!

新鮮人 提到...

大不了當佢發up風,
加油呀!

richmapoor ma 提到...

嘩! 有什麼秘技可以減到108lb? 快分享吧!

Ebenezer 提到...

頂住呀,妳得嘅:)

the8 提到...

工作耳: 不知怎去安慰你....但我常常都跟自己講 "打份工啫咪咁上心!"...祝 EQ 日高!

聶秀康 提到...

各位網友:
感謝關心,今天假期我非常輕鬆因為過去的一週太累人了,我雖時常說要吾撈,其實好喜歡這工作,好矛盾!

Xavier 提到...

鬧人就鬧人啦,駛唔駛拍台先?而家仲有人拍台鬧人,真系幾老套.你老細都幾燥.可能天口興掛...唉,就當系鍛鍊eq啦.

聶秀康 提到...

Xavier
我真未見識過拍台的火爆老細......真當堂嚇窒架!幸好沒哭出來,否則就太遜啦!

匿名 提到...

讀左你既文章好耐喇! 我依家都係做緊十級hea工, 日日悶到爆! 好想轉工, 又的唔起心肝! 見你之前有新改變, 忙左, 但揾到工作滿足, 都好登你開心, 但見原來有滿足係有咁大代價! 都唔知應該返hea工好定返有滿足感既工好....bonbon

荒木茂 提到...

加油,頂住,畀老細鬧好小事姐而已!
最緊要越做越好,唔再畀老細抽秤!
...如果係老細面前喊,有d人會認為女人做唔掂就用眼淚攻勢!

聶秀康 提到...

bonbon
以往的我都是以hea爆心情上班,這次轉了部門真是好大的挑戰...但滿足感相對提高,至於如何選擇要看閣下之鬥心了!


荒木
我祇驚自己一哭不收就死撐下去!

匿名 提到...

鬥心真係日漸消磨...我以前都有個老闆, 佢係勁人黎既, 但佢係會發火拍台罵人(甚至對男同事講粗口), 但你習慣左佢個style, 知佢係對事不對人, 會平常心一啲, 初初個衝擊係幾大架, 當交學費囉! 祝 隨心所欲 bonbon

dd2 提到...

被上司駡當然不好受(我試得多, 還要是當著所有人面前大聲說), 不過, 如果他/她有point而我的確做得不好, 我唯有吞左佢. 我的上司好在係對事不對人, 駡完之後就算, 照樣講笑, 不會記過夜.

當然, 如果係無理取鬧, 志在出氣/立威的, 咁就...咪理佢咁多, 你的存在價值又不是因為他而定(雖然份糧可能係), 最終都係o個句, 但求無愧於心. 人生苦短, 放工就唔好理咁多, 去輕鬆一下!

另類思想

人間訪客

since 26/01/09

我喜歡熱鬧...歡迎您們!

Powered By Blogger

LinkWithin

Blog Widget by LinkWithin